குழந்தை தொழிலாளி..!

வீடுகள் பெருக்கி
குப்பைகள் சேர்த்து
குப்பைக்கூடதிலிட்டான்
குழந்தை தொழிலாளி.....

குப்பையில்
கோழியை போல் கிளறி
நகரமெங்கும் அலைந்து
காகிதம் சேகரித்தான்
குழந்தை தொழிலாளி..... 

பாத வண்டியில்
காகித பொதியேற்றி பறந்து
பணிமனையில் பறிமாறினான்
குழந்தை தொழிலாளி.....

இயந்திரத்தை இயக்கி
காகிதத்தை கூழாக்கி
புதியதோர் காகிதம் செய்தான்
குழந்தை தொழிலாளி..... 

செய்த காகிதத்தில்
நூலினை கோர்த்து
படம் போட்டு எழுத்தச்சிட்டான்
குழந்தை தொழிலாளி..... 

புதியதோர் புத்தகம் செய்து
பள்ளிக்கு எடுத்துச்சென்றான்
பாட புத்தகமாய்
குழந்தை தொழிலாளி..... 

இத்தனைக்கும்
பின்னின்று பாடுபட்டு
புயத்தில் சுமக்கிறான்
குழந்தை தொழிலாளி
""புத்தக பையல்ல""
புழுதி நிறைந்த சாக்குப்பையை
மீண்டும் வீட்டை பெருக்கி
போட்ட குப்பையை சேகரிக்க
குழந்தை தொழிலாளி....!!

-இரா.சுதர்சன்